«Ливерпуль»нинг собиқ бош мураббийи Арне Слот клубдан кетганидан сўнг мухлисларга ўз миннатдорчилигини билдирди.

«Бу «Ливерпуль» билан биргаликдаги ажойиб саёҳат бўлди. Ўтган мавсумда чемпионатда ғолиб чиққанимиздан жуда миннатдорман», — дея Слотнинг сўзларини келтиради журналист Фабрицио Романо ўзининг Х ижтимоий тармоғидаги саҳифасида.

Нидерландиялик мутахассис 2024 йилнинг ёзидан буён мерсисайдликларни бошқариб келаётган эди. Унинг қўл остида «Ливерпуль» 2024/2025 йилги мавсумда Англия чемпионига айланди.

Якунланган мавсум натижаларига кўра, «қизиллар» 60 очко жамғариб, турнир жадвалида бешинчи ўринни эгаллашди. «Ливерпуль»га тайинлангунга қадар Слот «Фейеноорд» клубини бошқарган.