«PSJ» himoyachisi Ashraf Xakimiy Chempionlar ligasi finalida «Arsenal» ustidan qozonilgan g‘alabadan so‘ng o‘z fikrlarini bildirdi.

«Chempionlar ligasida ketma-ket ikki yil g‘olib chiqish oson emas, lekin biz buni uddaladik. Men doim bir gapni takrorlayman: murabbiy — klubning asosiy ovozi. Biz uning ortidan ergashamiz, unga ishonamiz. Birinchi kundanoq u bizga jamoa har qanday o‘yinchidan muhimroq ekanini aytgandi. U biz bilan ekanligidan juda xursandmiz. Biz shunchaki jamoa emas, balki oila qurishga muvaffaq bo‘ldik», — deya Xakimiyning so‘zlarini keltiradi BBC.

Eslatib o‘tamiz, «PSJ» 1:1 hisobidagi durangdan so‘ng penaltilar seriyasida «Arsenal»ni mag‘lub etdi. London jamoasi futbolchilari ikkita 11 metrlik zarbada darvozaga aniq bora olishmadi. Uchrashuv Budapeshtda bo‘lib o‘tdi.