«ПСЖ» ҳимоячиси Ашраф Хакимий Чемпионлар лигаси финалида «Арсенал» устидан қозонилган ғалабадан сўнг ўз фикрларини билдирди.

«Чемпионлар лигасида кетма-кет икки йил ғолиб чиқиш осон эмас, лекин биз буни уддаладик. Мен доим бир гапни такрорлайман: мураббий — клубнинг асосий овози. Биз унинг ортидан эргашамиз, унга ишонамиз. Биринчи кунданоқ у бизга жамоа ҳар қандай ўйинчидан муҳимроқ эканини айтганди. У биз билан эканлигидан жуда хурсандмиз. Биз шунчаки жамоа эмас, балки оила қуришга муваффақ бўлдик», — дея Хакимийнинг сўзларини келтиради BBC.

Эслатиб ўтамиз, «ПСЖ» 1:1 ҳисобидаги дурангдан сўнг пенальтилар сериясида «Арсенал»ни мағлуб этди. Лондон жамоаси футболчилари иккита 11 метрлик зарбада дарвозага аниқ бора олишмади. Учрашув Будапештда бўлиб ўтди.