«Milan» hujumchisi Rafael Leau yaqin vaqt ichida klubni tark etishga tayyor ekanini tan oldi. 26 yoshli futbolchi bo‘lajak transfer oynasida muhitni o‘zgartirish niyatida ekanini ochiq-oydin ma’lum qildi.

«Menimcha, men «Milan»ga bera oladigan hamma narsamni berdim. Klub o‘sishimga yordam berdi, qiyin damlarda qo‘llab-quvvatladi. O‘z nomimni «Milan» tarixiga kirita olganimdan xursandman, ammo har kimning o‘z orzulari, maqsadlari va ambisiyalari bor. Menga yangi chaqiriq kerak – o‘zimni boshqa chempionatda sinab ko‘rmoqchiman. Tayyor ekanimni his qilyapman. Vaqti keldi», — dedi portugaliyalik futbolchi SportTVga bergan intervyusida.

Rafael Leau 2019 yildan buyon «rossonerilar» sharafini himoya qilib kelmoqda. Futbolchining bozor qiymati Transfermarkt portali tomonidan 50 million yevroga baholanmoqda, uning «Milan» bilan shartnomasi 2028 yilgacha amal qiladi.