«Arsenal» sardori Martin Edegor Chempionlar Ligasi finalida «PSJ»dan qabul qilib olingan alamli mag‘lubiyatdan so‘ng (1:1, penaltilar seriyasida 3:4) o‘z fikrlari bilan o‘rtoqlashdi. Londonliklar uchun ushbu mavsum trofeysiz yakunlangan bo‘lsa-da, yarimhimoyachi jamoaning ko‘rsatgan o‘yinidan faxrlanishini yashirmadi.

Edegor jamoadoshlarini ruhan tiklanishga va ortda qolgan mavsumdan to‘g‘ri xulosa chiqarishga chaqirdi.

«Bunday mag‘lubiyatni qabul qilish va uni unutish uchun bizga vaqt kerak. Mavsum ko‘plab jihatlari bilan ajoyib o‘tdi. «Oltin dubl»ni qo‘lga kirita olmagan bo‘lsak-da, ishtirokimiz bilan faxrlanishimiz kerak», — deydi Edegor.

«Keyingi mavsumda yanada kuchliroq qaytamiz»

London klubi sardori jamoaning joriy mavsumdagi muvaffaqiyatli yurishi keyingi yillar uchun zamin yaratishiga ishora qildi.

«Biz YECHLda juda yaxshi ishtirok etdik va aqlbovar qilmas natijalarga erishdik. Endigi vazifamiz — shu mavsumdagi ijobiy hissiyotlarni to‘plab, ularni tahlil qilish va kelasi mavsumda yanada kuchliroq holatda maydonga qaytishdir», — deya ta’kidladi futbolchi.