«RB Leypsig» vingeri Yan Diomande «Liverpul»ning transfer maqsadi bo‘lib qolmoqda. «Qizillar» 19 yoshli futbolchini jamoani tark etgan Muhammad Salohning o‘rnini bosuvchi ustuvor variant sifatida belgilashgan.

TEAMtalk nashriga tayangan holda Transfer News Live xabariga ko‘ra, ingliz grandi sport direktori Richard Xyuz kelishuvni jahon chempionati boshlangunga qadar yakunlash umidida ushbu yosh yulduzning transferini faol tarzda talab qilmoqda.

«RB Leypsig» esa osonlikcha yon bermoqchi emas: klub rahbariyati iqtidorli futbolchi uchun hamon taxminan 100 mln yevro talab qilmoqda. Yakunlangan mavsumda Yan Diomande Germaniya jamoasi safida 36 ta uchrashuvda maydonga tushib, 13 ta gol urdi va 10 ta golli uzatmani amalga oshirdi. Futbolchiga «PSJ» va «Manchester Siti» klublari ham qiziqish bildirmoqda.