Saudiya Arabistonining «Al-Hilol» klubi himoyachi Joao Kanselu borasidagi pozisiyasini sezilarli darajada yumshatdi va endi uning doimiy transferi uchun 15 million yevro talab qilmayapti. Bu haqda Mundo Deportivo nashri xabar bermoqda.

Muzokaralar agent Jorje Mendesh orqali olib borilmoqda, yangi tovon puli miqdori hozircha oshkor etilmagan. Saudiya klubi Kanseluning Arabistonga qaytishni istamayotganini yaxshi tushunadi. Uning ketishi bosh murabbiy Simone Indzagi bilan munosabatlari yomonlashgani sababli deyarli muqarrar deb hisoblanmoqda.

«Barselona» kelishuvni Mark Kasado orqali osonlashtirish imkoniyatini ko‘rmoqda — yarim himoyachi Xansi Flikning rejalariga kirmaydi va «Al-Hilol» uchun qiziqarli bo‘lishi mumkin. O‘tgan mavsumda Kanselu kataloniyaliklar safida ijara asosida 23 ta o‘yinda ishtirok etib, 2 ta gol urdi, 4 ta golli uzatmani amalga oshirdi va 4 marta ogohlantirildi.