Lissabonning «Sporting» klubi yarim himoyachisi Morten Yulmann yana Madridning «Atletiko» klubi qiziqishlari doirasiga tushib qoldi.

Mundo Deportivo nashrining xabariga ko‘ra, «matraschilar» rahbariyati yozgi transfer oynasida maydon markazini bir yo‘la ikkita futbolchi bilan kuchaytirishni maqsad qilgan. Eng asosiy nomzodlardan biri sifatida o‘tgan qishdayoq klub e’tiborini tortgan Yulmann qolmoqda.

Ma’lumotlarga ko‘ra, o‘shanda madridliklar daniyalik xavbek uchun 25 million yevro taklif qilishgan, biroq «Sporting» bu taklifni rad etgan edi. Shu bilan birga, futbolchi va Portugaliya klubi o‘rtasida og‘zaki kelishuv mavjud bo‘lib, unga ko‘ra, shartnomada 80 million yevrolik tovon puli ko‘rsatilganiga qaramay, Yulmann 40 milliondan 50 million yevrogacha bo‘lgan summaga jamoani tark etishi mumkin.

Yulmannning «Sporting» bilan amaldagi shartnomasi 2028 yilning yoziga qadar mo‘ljallangan.