«Vest Xem» klubining qanot hujumchisi Krisensio Sammervill yozgi transfer oynasida kuchliroq klubga o‘tishi mumkin.

«TEAMtalk» tarqatgan xabarlarga ko‘ra, 24 yoshli niderlandiyalik futbolchi uchun kechayotgan kurashga «Milan» ham qo‘shilgan bo‘lib, Italiya grandi shu yozda vingerni o‘z safiga qo‘shib olishga faol harakat qilmoqda. Biroq, «rossonerilar» bu yo‘lda «Tottenxem» va «Aston Villa» bilan raqobatlashishiga to‘g‘ri keladi, chunki ingliz klublari hanuzgacha Sammervillga qiziqish bildirmoqda.

«Vest Xem» Premyer-ligadan tushib ketganidan so‘ng, klub futbolchini taxminan 40 million yevro evaziga qo‘yib yuborishi kutilmoqda. Shu sababli, Sammervillning boshqa jamoaga o‘tishi kun sayin haqiqatga aylanib bormoqda.

Ortda qolgan mavsumda hujumchi barcha musobaqalarda jami 34 ta uchrashuvda maydonga tushib, o‘z hisobiga 7 ta gol va 5 ta golli uzatmani yozdirib qo‘ydi.