«Yuventus» Alissonning o‘rniga Emiliano Martinesni darvoza chizig‘i uchun ustuvor maqsad sifatida ko‘rib chiqmoqda, deb yozadi insayder Fabrisio Romano.
Avvalroq, Turin klubi qiziqish bildirayotgan Alissonni «Liverpul» kelasi mavsumda o‘z tarkibida olib qolmoqchi ekanligi haqida ogohlantirgan edi. Shunding so‘ng, Martinesning transfer narxi va argentinalik posbonning shartnoma shartlari bo‘yicha muzokaralar boshlandi. «Yuventus» «Aston Villa» darvozabonining yuqori maoshiga qaramay, uni sotib olish imkoniyatlarini o‘rganmoqda.
Shu bilan birga, «Tottenxem» darvozaboni Gulyelmo Vikario Turin klubi uchun muqobil variant bo‘lib qolmoqda.
