«Gerta» yarim himoyachisi Kennet Ayxgorn «Liverpul»ga o‘tishni istamadi. Jurnalist Florian Plettenbergning ma’lumotlariga ko‘ra, «qizillar» 16 yoshli futbolchiga da’vogarlar ichida moliyaviy jihatdan eng foydali shartlarni taklif qilishgan, biroq chiqib kelayotgan yulduzni ko‘ndira olishmagan.
Yarim himoyachi Germaniyada qolishni xohlamoqda. O‘yinchi uchun kurashda Leverkuzenning «Bayer» klubi asosiy favorit hisoblanadi, shuningdek, «RB Leypsig» ham bu poygada ishtirok etmoqda.
Transfermarkt portali ekspertlari Kennet Ayxgornning transfer bahosini 20 million yevroga baholamoqdalar. Yakunlangan mavsumda vunderkind Ikkinchi Bundesligada «Gerta» safida 16 ta uchrashuvda maydonga tushib, 1 ta gol urishga muvaffaq bo‘lgan.
