«Aston Villa» va Argentina terma jamoasi darvozaboni Emiliano Martines Turinning «Yuventus» klubi bilan amaldagi shartnoma shartlarini kelishib oldi. Bu haqda taniqli insayder Matteo Moretto xabar bermoqda.

Manbaning yozishicha, ayni damda klublar o‘rtasidagi transferning amalga oshishiga faqatgina futbolchining narxi to‘sqinlik qilmoqda. Birmingemliklar o‘z posboni uchun 15 million yevro talab qilayotgan bo‘lsa, «byankoneri» bu mablag‘ni ko‘plik qilib, transferni sezilarli darajada arzonroqqa, ya’ni 10 million yevroga yakunlashni ko‘zlamoqda. Hozirda klublar o‘rtasidagi muzokaralar faol tarzda davom etmoqda.

Avvalroq tarqalgan xabarlarga ko‘ra, Martines Turin klubi bilan uch yillik shartnoma imzolashi kutilmoqda.

Ma’lumot uchun, 33 yoshli jahon chempioni 2020 yildan buyon «Aston Villa» sharafini himoya qilib keladi.