«Tottenxem» hujum chizig‘ini kuchaytirish uchun «Liverpul»dan nomzod topdi. «Shporlar» muvaffaqiyatsiz mavsumdan so‘ng tarkibni jiddiy kuchaytirmoqchi va transfer maqsadlaridan biri sifatida hujumchi Kodi Gakpo belgilangan.
CaughtOffside nashri ma’lumotlariga ko‘ra, London klubi niderlandiyalik futbolchi uchun «qizillar»ga 70 million yevro atrofida mablag‘ taklif qilishga tayyor.
27 yoshli futbolchiga «Nyukasl» va «Bavariya» ham qiziqish bildirmoqda, ammo hozircha rasmiy takliflar kelib tushmagan. Katta ehtimol bilan, o‘yinchining kelajagi Jahon chempionati yakunlanganidan keyin hal bo‘ladi. Kodi Gakponing bozor qiymati Transfermarkt ekspertlari tomonidan 60 million yevroga baholanmoqda.
