Lissabonning «Sporting» klubi yarim himoyachi Morten Yulmanning o‘rniga futbolchi izlash maqsadida transfer bozorida ish boshladi. AS nashrining xabar berishicha, futbolchining shartnomasi 2028 yilgacha amal qilishiga qaramay, klub rahbariyati uning Madridning «Atletiko» klubiga o‘tishini muqarrar deb hisoblamoqda.

Uning o‘rnini bosishi mumkin bo‘lgan asosiy nomzodlar qatorida «Bavariya»dan Joau Palinya va «Betis»dan Serxi Altimira ko‘rib chiqilmoqda. Ma’lumotlarga ko‘ra, «Atletiko» allaqachon futbolchi bilan prinsipial kelishuvga erishgan. Madrid klubi Yulmanni maydon markazini kuchaytira oladigan futbolchi sifatida ko‘rmoqda, chunki o‘tgan mavsumda jarohatlar sababli bu pozisiyada ko‘pincha faqatgina faxriy futbolchi Koke yetakchilik rolini bajarishiga to‘g‘ri kelgan edi.

Yulmanning shartnomasidagi tovon puli taxminan 80 million yevroni tashkil qiladi, biroq «Atletiko» ushbu transferni yozgi oynadayoq yakunlashni va daniyalik futbolchini yangi sport rahbariyatining ilk xaridlaridan biriga aylantirishni rejalashtirmoqda.