Лиссабоннинг «Спортинг» клуби ярим ҳимоячи Мортен Юльманнинг ўрнига футболчи излаш мақсадида трансфер бозорида иш бошлади. AS нашрининг хабар беришича, футболчининг шартномаси 2028 йилгача амал қилишига қарамай, клуб раҳбарияти унинг Мадриднинг «Атлетико» клубига ўтишини муқаррар деб ҳисобламоқда.

Унинг ўрнини босиши мумкин бўлган асосий номзодлар қаторида «Бавария»дан Жоау Палинья ва «Бетис»дан Серхи Алтимира кўриб чиқилмоқда. Маълумотларга кўра, «Атлетико» аллақачон футболчи билан принципиал келишувга эришган. Мадрид клуби Юльманни майдон марказини кучайтира оладиган футболчи сифатида кўрмоқда, чунки ўтган мавсумда жароҳатлар сабабли бу позицияда кўпинча фақатгина фахрий футболчи Коке етакчилик ролини бажаришига тўғри келган эди.

Юльманнинг шартномасидаги товон пули тахминан 80 миллион еврони ташкил қилади, бироқ «Атлетико» ушбу трансферни ёзги ойнадаёқ якунлашни ва даниялик футболчини янги спорт раҳбариятининг илк харидларидан бирига айлантиришни режалаштирмоқда.