Argentina terma jamoasi Jahon kubogi sohibi sifatida o‘z unvonini himoya qilishga tayyorgarlik ko‘rmoqda. Ko‘pchilikni jamoa yetakchisi — Lionel Messining motivasiyasi qay darajada ekanligi qiziqtirmoqda. Uning yaqin do‘sti Serxio Aguero Lionel o‘z orzusiga erishgan bo‘lsa-da, uning g‘alabaga bo‘lgan ishtiyoqi so‘nmaganiga ishonchi komil.
«Leo — jahon chempionatida yana bir bor g‘alaba qozonishga intiladigan futbolchi. U shunday xarakterdagi inson, unda motivasiya pasayishi kuzatilmaydi. Yangi g‘alaba uchun u borini beradi. Men esa uning keyingi jahon chempionatida ham o‘ynashiga umid qilaman», — deya Agueroning so‘zlarini keltiradi derbyderbyderby.it.
Eslatib o‘tamiz, 2008 yilda Messi va Aguero birgalikda Olimpiada «oltin»ini qo‘lga kiritishgan edi.
