«Lill» klubining markaziy yarim himoyachisi Ayub Buaddi Madridning «Real» klubi qiziqishlar doirasiga tushgan. Bu haqda jurnalist Migel Serrano xabar bermoqda.

Manbaning ma’lum qilishicha, «Real» 18 yoshli marokashlik futbolchining xizmatlariga qiziqish bildirmoqda va uning o‘sishini anchadan beri kuzatib kelmoqda.

Yakunlangan mavsumda Buaddi barcha musobaqalarda jami 42 ta uchrashuvda maydonga tushib, 1 ta golli uzatmani amalga oshirdi.

Buaddining «Lill» bilan amaldagi mehnat shartnomasi 2029 yilgacha mo‘ljallangan. Transfermarkt portali mutaxassislari futbolchining transfer bahosini 50 million yevroga baholamoqda.