Italiyaning «Milan» klubi sobiq ustozi Fabio Kapello klub va Ruben Amorim o‘rtasida deyarli amalga oshib bo‘lgan ittifoqqa ancha shubha bilan qaramoqda. Uning fikricha, har ikki tomon ham bunday hamkorlikka tayyor emas.
«Shuni aytishim mumkinki — bu har ikki tomon uchun ham tavakkalchilik. Xavf juda yuqori. U Italiya chempionatini umuman bilmaydi. Bir necha oydan keyin ko‘ramiz. Agar u muvaffaqiyatga erishmoqchi bo‘lsa, ko‘p narsada o‘z so‘zida turib olishi va vaqt yutishi kerak», — deya Kapelloning so‘zlarini keltiradi pianetamilan.it nashri.
Eslatib o‘tamiz, Amorim bundan avval Angliyaning «Manchester Yunayted» klubini boshqargan va shu yilning yanvar oyida u yerdan iste’foga chiqarilgan edi.
