Италиянинг «Милан» клуби собиқ устози Фабио Капелло клуб ва Рубен Аморим ўртасида деярли амалга ошиб бўлган иттифоққа анча шубҳа билан қарамоқда. Унинг фикрича, ҳар икки томон ҳам бундай ҳамкорликка тайёр эмас.

«Шуни айтишим мумкинки — бу ҳар икки томон учун ҳам таваккалчилик. Хавф жуда юқори. У Италия чемпионатини умуман билмайди. Бир неча ойдан кейин кўрамиз. Агар у муваффақиятга эришмоқчи бўлса, кўп нарсада ўз сўзида туриб олиши ва вақт ютиши керак», — дея Капеллонинг сўзларини келтиради pianetamilan.it нашри.

Эслатиб ўтамиз, Аморим бундан аввал Англиянинг «Манчестер Юнайтед» клубини бошқарган ва шу йилнинг январь ойида у ердан истеъфога чиқарилган эди.