Angliyaning «Nyukasl» klubi germaniyalik hujumchi Nik Voltemade bilan xayrlashishga tayyor. Bu haqda jurnalist Mark Brus xabar bermoqda.

Manba bergan ma’lumotlarga ko‘ra, 24 yoshli hujumchi shu yozda katta ehtimol bilan «Nyukasl»ni tark etadi. Ayni paytda futbolchining harakatlarini Dortmundning «Borussiya»si, Madridning «Atletiko»si va «Aston Villa» klublari kuzatib bormoqda.

«Qarg‘alar» transfer bo‘yicha takliflarni ko‘rib chiqishga tayyor va Voltemadening sotuvidan taxminan 65 million yevro ishlab olmoqchi. Biroq futbolchiga qiziqish bildirayotgan klublar uni keyinchalik sotib olish huquqi bilan ijaraga berishlarini so‘rashmoqda.

O‘tgan yozda «Nyukasl» Voltemadeni 75 million yevro evaziga sotib olgan edi. Eddi Xau qo‘l ostida hujumchi jami 51 ta uchrashuvda maydonga tushib, 11 ta gol urdi va 5 ta golli uzatmani amalga oshirdi.