«Manchester Yunayted»ning sobiq hujumchisi Antoni Marsyal faoliyatini Liga 1 da davom ettirishi mumkin. Bu haqda Footmercato xabar bermoqda.
«Monterrey»dan ketgach, fransiyalik futbolchi erkin agentga aylandi. Biroq uning moliyaviy talablari Liga 1 klublari uchun noqulay omil bo‘lmoqda, ayni damda faqat «Nissa» qaror qabul qilish jarayonida va taklifni rad etmagan.
Marsyal «Lion» tarbiyalanuvchisi hisoblanadi, u avvalroq «Monako», «Manchester Yunayted», «Sevilya», Gresiyaning AYEK va «Monterrey» klublarida ham o‘ynagan. Transfermarkt portali ma’lumotlariga ko‘ra, fransiyalik futbolchining hozirgi bozor qiymati 3,5 million yevroga baholanmoqda.













