Angliya terma jamoasi bosh murabbiyi Tomas Tuxel jamoa yarim himoyachisi Deklan Rays haqida o‘z fikrini bildirdi.
«Men uning murabbiyi ekanimdan faxrlanaman. U dunyodagi eng yaxshi yarim himoyachilardan biri. U kamtar, jamoa uchun ishlashga, jamoaga bor kuch va quvvatini berishga tayyor. U butun faoliyati davomida har kuni o‘rganib bormoqda», — deya Tuxelning so‘zlarini keltiradi jurnalist Fabrisio Romano.
Jahon chempionati – 2026 guruh bosqichining birinchi turida Angliya terma jamoasi Xorvatiyani 4:2 hisobida mag‘lub etgan edi. Rays maydonda 72 daqiqa harakat qildi va o‘z hisobiga bitta golli uzatmani yozdirib qo‘ydi.
23 iyun kuni Tuxel shogirdlari Gana bilan to‘qnash kelishadi. Start hushtagi Toshkent vaqti bilan 24 iyun kuniga o‘tar kechasi soat 01:00 da chalinadi.
