Madridning «Real» klubi yangi bosh murabbiyi Joze Mourinyo jamoa uchun ustuvor taktik sxemani tanladi.

Portugaliyalik mutaxassis bo‘lajak mavsumda 4-2-3-1 formasiyasiga urg‘u bermoqchi, deya xabar bermoqda «The Athletic». Bunday joylashuvda hujum uchidan Kilian Mbappe joy oladi, Vinisius Junior esa, o‘z navbatida, o‘zi uchun odatiy bo‘lgan chap qanot vingeri pozisiyasida harakat qilishi mumkin bo‘ladi.

O‘tgan mavsumda «qaymoqranglilar» turli formasiyalarga murojaat qilishdi, ammo eng ko‘p Mbappe va Vinisius oldinda bo‘lgan 4-4-2 ko‘rinishlaridan foydalanildi.

Mourinyoning tayinlangani haqida iyun oyi boshida e’lon qilingan edi. Mutaxassis 2029 yilning yoziga qadar mo‘ljallangan shartnomaga imzo chekkan.