«Nottingem Forest» klubi yarim himoyachisi Elliot Anderson «Manchester Siti»ga rasmiy ravishda o‘tishga yana bir qadam yaqinlashdi.

The Telegraph nashrining xabar berishicha, 23 yoshli futbolchi yakshanba kuni transferni yakunlash uchun Kanzas shahrida tibbiy ko‘rikdan o‘tgan. Ushbu bitim Angliya terma jamoasining Jahon chempionatidagi navbatdagi o‘yiniga qadar rasmiylashtirilishi kutilmoqda. Transfer bahosi 116 million funt sterlingni (taxminan 135 million yevro) tashkil etadi.

Eslatib o‘tamiz, Angliya milliy terma jamoasi mundialning 1/16 finali doirasida Kongo DR terma jamoasiga qarshi maydonga tushadi. Uchrashuv 1 iyul kuni bo‘lib o‘tadi va o‘yin Toshkent vaqti bilan soat 21:00 da boshlanadi. Elliot Anderson «uch sherlar»ning guruh bosqichidagi barcha uchrashuvlarida asosiy tarkibda maydonga tushgan.