«Ноттингем Форест» клуби ярим ҳимоячиси Эллиот Андерсон «Манчестер Сити»га расмий равишда ўтишга яна бир қадам яқинлашди.
The Telegraph нашрининг хабар беришича, 23 ёшли футболчи якшанба куни трансферни якунлаш учун Канзас шаҳрида тиббий кўрикдан ўтган. Ушбу битим Англия терма жамоасининг Жаҳон чемпионатидаги навбатдаги ўйинига қадар расмийлаштирилиши кутилмоқда. Трансфер баҳоси 116 миллион фунт стерлингни (тахминан 135 миллион евро) ташкил этади.
Эслатиб ўтамиз, Англия миллий терма жамоаси мундиалнинг 1/16 финали доирасида Конго ДР терма жамоасига қарши майдонга тушади. Учрашув 1 июль куни бўлиб ўтади ва ўйин Тошкент вақти билан соат 21:00 да бошланади. Эллиот Андерсон «уч шерлар»нинг гуруҳ босқичидаги барча учрашувларида асосий таркибда майдонга тушган.
