Millatlar ligasi guruh bosqichidan o‘rin olgan Irlandiya va Isroil terma jamoalari o‘rtasidagi uchrashuv Serbiyada bo‘lib o‘tadi. Bahs 4 oktyabr kuni Bachka-Topola shahrida o‘tkaziladi.
Irlandiya futbol assosiasiyasi matbuot xizmatining xabar berishicha, mazkur o‘yin stadionga tomoshabinlar kiritilmagan holda tashkil etiladi.
Eslatib o‘tamiz, uchrashuv joyining o‘zgartirilishiga irlandlarning xavfsizlik nuqtai nazaridan hamda mamlakatdagi radikallashgan aholi kayfiyatini inobatga olib, UYEFAga qilgan murojaati sabab bo‘lgan.
Javob uchrashuvi ham neytral maydonda — Vengriyaning Debresen shahrida bo‘lib o‘tadi. Irlandiya tomoni Falastin mojarosini vaj qilib ko‘rsatgan holda, Isroilni musobaqalardan chetlatishni talab qilgan edi.
O‘z navbatida, FIFA xalqaro huquq nuqtai nazaridan hudud maqomining noaniqligini vaj qilib, Iordan daryosining G‘arbiy sohilidagi Isroil klublarini chetlatmaslik haqida qaror chiqargan.
