«Real» klubi o‘zining rasmiy saytida bayonot e’lon qildi. Madrid klubining ma’lum qilishicha, hujumkor yarim himoyachi Nikolas Pas 2026/2027 yilgi mavsumda ham «Komo» safida to‘p surishni davom ettiradi.
«Qaymoqranglilar» Niko Pasning o‘zi «Komo»da qolishni iltimos qilganini alohida ta’kidlab o‘tishdi. Shu bilan birga, «Real» bir yildan so‘ng futbolchini qayta sotib olish huquqini o‘zida saqlab qolgan.
Nikolas Pas «Komo» libosida o‘tkazgan 75 ta o‘yinda o‘z hisobiga 19 ta gol va 17 ta golli uzatmani yozdirib qo‘yishga ulgurdi. Nufuzli Transfermarkt portali 21 yoshli argentinalik iqtidor egasini 80 million yevroga baholamoqda.
Eslatib o‘tamiz, «Komo» A Seriyaning yakunlangan mavsumini to‘rtinchi o‘rinda yakunlab, Chempionlar ligasi yo‘llanmasini qo‘lga kiritgan edi.
