Yaponiya terma jamoasi yarim himoyachisi Daichi Kamada Jahon chempionatini tark etganidan so‘ng o‘z kelajagi haqida gapirdi.

Yaponiyaliklar turnirdagi ishtiroklarini 1/16 final bosqichida Braziliyaga 1:2 hisobida imkoniyatni boy berib yakunlashdi. Kamadaning «Kristal Pelas» bilan shartnomasi 30 iyun kuni o‘z nihoyasiga yetdi.

«Ochig‘ini aytsam, men uchun «Kristal Pelas»dan ustunroq faqat top-klublar bor, xolos. Biz yevrokuboklarda o‘ynayapmiz, bu — London. Oilam bu yerdagi hayotga to‘liq ko‘nikib bo‘lgan. Barcha omillarni hisobga olsak, «Kristal Pelas»dan yaxshiroq klub topish juda qiyin», — deya futbolchining so‘zlarini keltiradi Soccer Digest nashri.

«Hozirgi vaqtda Angliya chempionatida to‘p surish men uchun Chempionlar ligasida g‘oliblik uchun kurashish bilan bir xil ahamiyatga ega. Ha, hali hech narsa hal bo‘lgani yo‘q, lekin men vaziyatga aynan shunday nigoh bilan qaramoqdaman», — deya qo‘shimcha qildi Kamada.

Kamada «burgutlar» safida 2024 yildan buyon to‘p surib kelmoqda. U jamoa bilan birga Angliya Kubogi va Superkubogini, shuningdek, UYEFA Konferensiyalar ligasini qo‘lga kiritgan.