Taniqli britaniyalik jurnalist va teleko‘rsatuv boshlovchisi Pirs Morgan Fransiya milliy terma jamoasining JCH-2026dagi ishtiroki haqida o‘z fikrini bildirdi.
Yaqindagina Didye Desham shogirdlari 1/16 finalda Shvesiya terma jamoasini yirik hisobda mag‘lub etishdi (3:0). Bungacha fransiyaliklar Senegal (3:1), Irak (3:0) va Norvegiya (4:1) terma jamoalari ustidan g‘alaba qozonishgan edi.
«Bu Fransiya terma jamosini qanday qilib to‘xtatish mumkinligiga aqlim etmayapti. Ular xuddi Braziliyaning eng buyuk tarkiblariga o‘xshaydi — hujumda dahshatli darajada xavfli. Ular bilan o‘ynaydigan har qanday jamoaga omad tilayman, ularning barchasiga duolar asqotadi!» — deb yozdi Morgan o‘z ijtimoiy tarmoqlarida.
Chorak final yo‘llanmasi uchun kechadigan navbatdagi uchrashuvda «uchranglilar» yaqindagina Germaniya ustidan qozonilgan g‘alaba bilan futbol jamoatchiligini hayratda qoldirgan Paragvay terma jamoasiga qarshi maydonga tushishadi.
