Londonning «Arsenal» va Istanbulning «Beshiktosh» klublari Leandro Trossarning transferini o‘zaro kelishib olishdi. Sky Sports nashrining xabariga ko‘ra, «qora burgutlar» belgiyalik vinger uchun Angliya chempioniga 20 million yevro to‘laydi.
Ayni paytda Trossarning «Arsenal» bilan shartnomasi tugashiga bir yil qolgan. U «Brayton»dan o‘tganidan so‘ng, uch yarim yildan beri London klubi sharafini himoya qilib kelmoqda.
Hozirda Trossar Belgiya terma jamoasi tarkibida Jahon chempionatida ishtirok etmoqda. Chap qanot hujumchisi 31 yoshda.
Yakunlangan mavsumda Leandro «Arsenal» safida APL va UYEFA Chempionlar ligasi doirasidagi o‘yinlarda 7 ta gol va 10 ta golli uzatmaga mualliflik qildi.
