«Bornmut» klubining 22 yoshli markaziy yarim himoyachisi Aleks Skott faoliyatini «Manchester Yunayted»da davom ettirishi mumkin. Bu haqda taniqli jurnalist Ekrem Konur xabar bermoqda.

Manbaning bergan ma’lumotlariga ko‘ra, «Arsenal», «Chelsi» va «Manchester Yunayted» klublari Skotning transfer narxini bilish maqsadida «Bornmut»ga so‘rov yuborishgan.

Qayd etilishicha, OAVda «Bornmut» joriy yozda Skotni qo‘yib yuborishni istamayotgani haqida xabarlar tarqalgan bo‘lsa-da, futbolchi baribir «Manchester Yunayted»ga o‘tishi mumkin. Ikkita mustaqil manbaning Konurga ma’lum qilishicha, «giloslar» yarim himoyachini «qizil iblislar»ga 93,6 million yevro evaziga sotishga rozilik berishgan.

O‘tgan mavsumda Skott barcha musobaqalarda 39 ta o‘yinda maydonga tushib, 4 ta gol urdi va 1 ta golli uzatmaga mualliflik qildi.