«Atalanta» yarim himoyachisi Ederson Lourenso yaqin orada «Manchester Yunayted»ga ehtimoliy transferi oldidan takroriy tibbiy ko‘rikdan o‘tadi. Bu haqda o‘zining ijtimoiy tarmoqlarida jurnalist Fabrisio Romano xabar bermoqda.
Manbaning ma’lumotlariga ko‘ra, mankunianliklar 26 yoshli braziliyalik futbolchining transferi bo‘yicha «Atalanta» bilan 45 million yevro evaziga kelishib bo‘lgan. Futbolchi tibbiy testlarning birinchi qismidan AQSHda o‘tgan, biroq tomonlar o‘rtasida hali shartnoma imzolanmagan.
Ederson jahon chempionatida ishtirok etdi, u yerda terma jamoa 1/8 finalda Norvegiyaga 1:2 hisobida imkoniyatni boy berdi. Endi o‘yinchi shifokorlarning ikkinchi ko‘rigidan o‘tish va kelishuvni yakunlash uchun Angliyaga yo‘l olishi kerak bo‘ladi.
