«Sporting» safida hujumkor yarim himoyachi pozisiyasida to‘p suradigan Fransishku Trinkan faoliyatini Saudiya Arabistonida davom ettirishi mumkin. Nufuzli insayder Fabrisio Romanoning xabar berishicha, futbolchiga «Al-Ahli» klubi jiddiy qiziqish bildirmoqda.

Saudiya klubi «Sporting» bilan muzokaralarga kirishgan. Ehtimoliy transfer summasi taxminan 50 million yevroni tashkil etadi. Qayd etilishicha, Trinkanning o‘zi ham Saudiya Arabistoni chempionatining bronza medali sohibi bilan shartnoma imzolashga qarshi emas.

Bundan oldinroq 26 yoshli yarim himoyachiga «Milan» va «Liverpul» klublari ham da’vogarlik qilayotgani haqida xabar berilgan edi.

Yakunlangan mavsumda portugaliyalik futbolchi barcha turnirlarda 54 ta uchrashuvda maydonga tushib, 13 ta gol urdi va 18 ta golli uzatmani o‘z hisobiga yozdirib qo‘ydi.