FIFA qo‘pol qoidabuzarlik uchun qizil kartochka olgan Folarin Balogunni diskvalifikasiyadan qutqarib qolib, xavfli namuna yaratdi. To‘g‘ri, diskvalifikasiya rasman mavjud, biroq u bir yillik sinov muddati bilan shartli etib belgilandi.
Endilikda boshqa jamoalar ham, futbolchilarining qoidabuzarligi qanchalik jiddiy bo‘lishidan qat’i nazar, apellyasiya berishni boshlashlari mumkin. Mana, hozirda Angliya futbol assosiasiyasi o‘z futbolchisining chetlatilishi yuzasidan ehtimoliy apellyasiya berish haqida o‘ylamoqda — himoyachi Jarell Kuansa Meksikaga qarshi o‘yindagi qo‘pol "podkati" uchun qizil kartochka olgan edi. Inglizlar apellyasiya berishi mumkinligi haqida jurnalist Rob Dorsett ijtimoiy tarmoqlarda yozib qoldirdi.
Eslatib o‘tamiz, Jahon chempionatining chorak finalida Angliya terma jamoasi Norvegiyaga qarshi maydonga tushadi.
