«Valensiya» 19 yoshli yaponiyalik yarim himoyachi Ryunosuke Sato bilan besh yillik shartnoma imzoladi. Bu haqda klub matbuot xizmati xabar berdi.

«19 yoshli yarim himoyachi Ryunosuke Sato klub bilan 2031 yilgacha mo‘ljallangan besh yillik shartnoma imzoladi. U «Valensiya» asosiy jamoasi tarixidagi ilk yaponiyalik futbolchiga aylanadi.

Sato yarim himoyaning bir nechta pozisiyalarida o‘ynashga qodir: chap qanotdan markazga ko‘chishi, o‘ngda harakat qilishi yoki markaziy hududdan hujumlarni rivojlantirishi mumkin. Uning kuchli tomonlari — universallik, tezkorlik, yuqori texnik mahorat, sheriklari bilan yaxshi hamkorlik qila olishi, shuningdek, ayniqsa tor maydonda raqiblarni aldab o‘tish qobiliyatidir», — deyiladi klub rasmiy saytida.

Yakunlangan mavsumda ijara asosida «Fadjano Okayama» klubida to‘p tepgan Ryunosuke Sato 28 ta o‘yinda maydonga tushib, «gol+pas» tizimida 6+2 natija qayd etdi.