Madridning «Real» klubi prezidenti Florentino Peres «Manchester Siti»ning norvegiyalik hujumchisi Erling Xolandni transfer qilish imkoniyatini jiddiy ravishda ko‘rib chiqmoqda. Bu haqda Defensacentral xabar bermoqda.

Biroq, Xolandning transferi bilan bog‘liq variant faqatgina Vinisius Junior klubni tark etgan taqdirda amalga oshishi mumkinligi ta’kidlanmoqda. Agar «Real» yaqin orada braziliyalik futbolchi bilan shartnomani uzaytira olmasa, klub uni shu yozda sotib yuborishga harakat qiladi. Muvaffaqiyatli sotuv amalga oshsa, «qaymoqranglilar» Xolandni qo‘lga kiritish uchun harakat boshlashadi.

25 yoshli Xolandning «Manchester Siti» bilan amaldagi mehnat shartnomasi 2034 yilning iyunigacha mo‘ljallangan. Transfermarkt ma’lumotlariga ko‘ra, hujumchining bozor qiymati 200 million yevroni tashkil etadi.