Qo‘l sinishi tufayli o‘tkazilgan jarrohlik amaliyotiga qaramay, Jordan Xenderson hamon Angliya terma jamoasi safida Jahon chempionatida ishtirok etish imkoniyatiga ega.
«Brentford» yarim himoyachisi Angliyaning Meksika ustidan qozonilgan 3:2 hisobidagi g‘alabasidan so‘ng, reklama shitlaridan sakrab o‘tmoqchi bo‘lganida noxush hodisa tufayli jarohat olgandi. Xenderson maydonni zambilda tark etgan va Kanzas-Sitida operasiya qilingan edi.
BBC xabariga ko‘ra, og‘ir jarohatga qaramay, futbolchining turnirda ishtirok etish imkoniyati saqlanib qolmoqda. Angliya terma jamoasi murabbiylar shtabi Hendersonning tarkibda qolishi va ehtimol, qo‘liga himoya bog‘ichi (bandaj) taqib o‘ynashi mumkinligini o‘rganmoqda.
