«Roma» yarim himoyachisi Manu Kone faoliyatini Angliyada davom ettirishi mumkin.

Jurnalist Datchi Bouenning ma’lumotlariga ko‘ra, «Manchester Yunayted» futbolchini sotib olish variantini ko‘rib chiqmoqda. Ammo hozircha fransiyalik futbolchi «qizil iblislar»ning asosiy transfer maqsadi emas. Shu bilan birga, avvalroq o‘yinchiga qiziqish bildirgan «Arsenal» yarim himoyachining o‘tishi bo‘yicha kelishuvga ega emas.

Manu Kone 2024 yilda Myonxengladbaxning «Borussiya» klubidan «Roma»ga 18 million yevro evaziga o‘tgan edi. Uning shartnomasi 2029 yilning 30 iyuniga qadar mo‘ljallangan. 2025/26 yilgi mavsumda yarim himoyachi Rim klubi safinda barcha turnirlarda 37 ta o‘yin o‘tkazib, 2 ta gol urdi va 3 ta golli uzatmani amalga oshirdi.