«Tottenxem»ning 19 yoshli himoyachisi Luka Vushkovich faoliyatini «Brayton»da davom ettiradi. Bu haqda taniqli insayder Fabrisio Romano xabar bermoqda.

Manba ma’lumotlariga ko‘ra, «Brayton» xorvatiyalik futbolchining transferi bo‘yicha 53,8 million yevro va keyingi sotuvdan foiz to‘lash sharti bilan to‘liq kelishib olgan. Bonuslarni hisobga olgan holda, bitim summasi 58,5 million yevroni tashkil etishi mumkin.

Ta’kidlash joizki, «Tottenxem» juda oqilona bitimga qo‘l urdi. Atigi bir yil oldin «shporlar» Vushkovichni 11 million yevroga sotib olib, «Gamburg»ga ijaraga berishgan edi. London klubi safida himoyachi birorta ham o‘yin o‘tkazmagan bo‘lsa-da, juda foydali narxda sotib yuborildi.

Hozirgi vaqtda Transfermarkt mutaxassislari Vushkovichni 60 million yevroga baholamoqda.