«Tottenxem»ning niderlandiyalik yarim himoyachisi Xavi Simons jamoaning yangi a’zosi Sandro Tonali haqida o‘z fikrlari bilan o‘rtoqlashdi.

«Men Tonaliga qarshi o‘ynaganman. U top-darajali futbolchi ekanini bilaman. U to‘p bilan juda agressiv harakat qiladi. U uzatmalari bilan hujumchilarni topa oladi va jamoaning muvaffaqiyatga erishishiga yordam beradi», — dedi Simons jurnalist Mett Barlou bilan suhbatda.

Joriy transfer oynasida «Tottenxem» Tonalini «Nyukasl»dan 117 million yevro evaziga sotib oldi. Bu kelishuv «shporlar» tarixidagi rekord hisoblanadi.

Premyer-liganing yangi mavsumi avgust oyining ikkinchi yarmida boshlanadi. Birinchi turda Roberto De Dzerbi shogirdlari safarda «Brentford» bilan bahs olib borishadi (22 avgust).