«Chelsi» yaqin vaqt ichida hujumchi Mark Giuning kelajagi bo‘yicha yakuniy qarorga keladi.

Jurnalist Saymon Jonsonning ma’lum qilishicha, London klubi ispaniyalik futbolchini yo ijaraga berishni yoki sotib yuborishni rejalashtirmoqda. Shu bilan birga, «ko‘klar» yosh futbolchining iqtidorini yuqori baholaydi, shu bois agar Giu sotib yuborilsa, shartnomaga uni qaytarib sotib olish huquqini kiritmoqchi.

Mark Giu 2024 yilda 6 million yevro evaziga «Barselona»dan «Chelsi»ga o‘tgan edi. Uning London klubi bilan tuzgan shartnomasi 2029 yilning 30 iyuniga qadar mo‘ljallangan. 2025/26 yilgi mavsumda hujumchi «ko‘klar» safida barcha turnirlarda 16 ta o‘yinda maydonga tushib, 3 ta gol urdi va 2 ta golli uzatmani amalga oshirdi. Transfermarkt portali Giuni 12 million yevroga baholamoqda.