So‘nggi kunlarda «Barselona» hujumchisi Ferran Torresning nomi «PSJ» bilan faol bog‘lanmoqda. Biroq, jurnalist Alfredo Martinesning ijtimoiy tarmoqlarda yozishicha, Kataloniya klubiga boshqa jamoalardan hech qanday rasmiy taklif yoki so‘rov kelib tushmagan.

Qayd etilishicha, «Barselona»ning rejasi sentyabr oyida Torresga yangi shartnoma taklif qilishdan iborat.

Ferran Torresning amaldagi mehnat shartnomasi «Barselona» bilan 2027 yilning o‘rtalariga qadar mo‘ljallangan. Transfermarkt portali ekspertlari 26 yoshli futbolchini 50 million yevroga baholamoqda.

Torres «Barselona» safida o‘tkazgan 207 ta o‘yinda 65 ta gol urdi va 23 ta golli uzatmani amalga oshirdi.