Сўнгги кунларда «Барселона» ҳужумчиси Ферран Торреснинг номи «ПСЖ» билан фаол боғланмоқда. Бироқ, журналист Альфредо Мартинеснинг ижтимоий тармоқларда ёзишича, Каталония клубига бошқа жамоалардан ҳеч қандай расмий таклиф ёки сўров келиб тушмаган.
Қайд этилишича, «Барселона»нинг режаси сентябрь ойида Торресга янги шартнома таклиф қилишдан иборат.
Ферран Торреснинг амалдаги меҳнат шартномаси «Барселона» билан 2027 йилнинг ўрталарига қадар мўлжалланган. Transfermarkt портали экспертлари 26 ёшли футболчини 50 миллион еврога баҳоламоқда.
Торрес «Барселона» сафида ўтказган 207 та ўйинда 65 та гол урди ва 23 та голли узатмани амалга оширди.
