«Monako» yozgi transfer oynasida Aleksandr Golovin bilan xayrlashish niyatida. Monegasklar RPL va Saudiya Arabistoni klublari bilan muzokaralar olib bormoqda, qiziqish bildirayotganlar qatorida «Zenit» ham bor. Bu haqda Foot Mercato xabar bermoqda.
Manba bergan ma’lumotlarga ko‘ra, gap to‘liq transfer haqida ketmoqda. Kelishuv summasi bonuslar bilan birga 25 million yevroga baholanmoqda. 30 yoshli rossiyalik futbolchining «Monako» bilan shartnomasi 2029 yilning iyunigacha mo‘ljallangan.
Golovin 2018 yilning yozida SSKAdan «Monako»ga o‘tgan edi. Sakkiz mavsum davomida u barcha turnirlarda 267 ta o‘yin o‘tkazib, 39 ta gol urdi va 46 ta golli uzatmani amalga oshirdi.
