UFC'ning sobiq yarim yengil va yengil vazn toifasi chempioni Iliya Topuriya yarim o‘rta vazn toifasining amaldagi chempioni Islom Maxachevga qarshi oktagonga chiqishga tayyor ekanini ma’lum qildi.
Topuriyaning aytishicha, agar Maxachev chempionlik kamarini saqlab qolsa va UFC unga jang taklif qilsa, bu imkoniyatni ikkilanmay qabul qiladi.
“Agar Islom yarim o‘rta vazn chempioni bo‘lsa va UFC menga qo‘ng‘iroq qilsa, uchinchi kamar uchun jang qilishga tayyorman. Aks holda, o‘z vaznimda qolaman”, dedi Topuriya.
“El matador” Maxachev ustidan g‘alaba qozonishiga to‘liq ishonishini ham ta’kidladi.
“Men bolaligimdan kurash bilan shug‘ullanganman, gilamda ulg‘ayganman. Uni parterga o‘tkazish, nazorat qilish va keyin tik turib jang qilish men uchun muammo emas. Uni qanday mag‘lub etishni bilaman. Buning uchun aniq strategiyam bor. Deyarli barcha janglarini tomosha qilganman va zaif tomonlarini yaxshi bilaman. Balki u meni avvalgi raqiblari bilan adashtirayotgandir, ammo men Den Xuker yoki boshqa jangchilardan emasman”, deya qo‘shimcha qildi Topuriya.
Mazkur intervyu Topuriyaning UFC Oq uy turnirida amerikalik Jastin Gedjiga qarshi jangidan avval yozib olingan. Bellashuvda Topuriya texnik nokaut evaziga mag‘lubiyatga uchragan bo‘lsa-da, intervyu oradan bir necha kun o‘tib e’lon qilindi.
