Mashhur ispaniyalik murabbiy va sobiq futbolchi Xavi Ernandes Ispaniya terma jamoasi safida Jahon chempionati finaliga qadar yetib borgan «Barselona» o‘yinchilarining muvaffaqiyatidan xursand ekanini bildirdi.
19 iyul kuni ispanlar Argentina terma jamoasiga qarshi bosh sovrin uchun bahs olib boradi. Uchrashuv Toshkent vaqti bilan soat 23:59 boshlanadi.
«Shunchaki Kubarsining ushbu Jahon chempionatida qanday o‘ynayotganiga qarang. Fermin uchun juda afsusdaman, lekin Pedri bor, uning muvaffaqiyatidan ham xursandman. «Barselona» va Ispaniya terma jamoasining bu avlodi yana 10-15 yil davomida muvaffaqiyat qozonadi. Men ular bilan faxrlanaman, chunki o‘z vaqtida, «Barsa»da ishlagan paytimda murabbiylar shtabim bilan birga ularning shakllanishini kuzatganman», — dedi Xavi Radio Nacional de Espana bilan suhbatda.
Ispaniya terma jamoasi o‘z tarixida ikkinchi bor mundialda g‘olib chiqishi mumkin. Jamoaning birinchi g‘alabasi 2010 yilga to‘g‘ri keladi.
