Angliya terma jamoasi vingeri Bukayo Saka Fransiyaga qarshi kechgan o‘yindagi (6:4) penalti bilan bog‘liq vaziyat haqida fikr bildirdi.
Jahon chempionati—2026 musobaqasining 3-o‘rin uchun bahsi ikkinchi bo‘limida inglizlar penalti tepish huquqiga ega bo‘lishdi. Dastlab to‘pni Jud Bellingem qo‘liga oldi, biroq keyin uni Sakaga topshirdi. Bukayo esa zarbani aniq amalga oshirib, xet-trigini rasmiylashtirdi.
«Bellingem penaltini o‘zi tepmoqchimidi? Yo‘q, Jud zarba bermoqchi emasdi. U menga: Bor va xet-trigingni rasmiylashtir, dedi. Raqiblar chalg‘itmasligi uchun u shunchaki to‘pni men uchun ushlab turgan edi», — dedi Saka final hushtagidan keyin.
Uchrashuv inglizlarning 6:4 hisobidagi g‘alabasi bilan yakunlandi. Qayd etish lozimki, birinchi bo‘limdan so‘ng Tomas Tuxel shogirdlari 4:0 hisobida oldinda borishayotgan edi.
