Англия терма жамоаси вингери Букайо Сака Францияга қарши кечган ўйиндаги (6:4) пенальти билан боғлиқ вазият ҳақида фикр билдирди.
Жаҳон чемпионати—2026 мусобақасининг 3-ўрин учун баҳси иккинчи бўлимида инглизлар пенальти тепиш ҳуқуқига эга бўлишди. Дастлаб тўпни Жуд Беллингем қўлига олди, бироқ кейин уни Сакага топширди. Букайо эса зарбани аниқ амалга ошириб, хет-тригини расмийлаштирди.
«Беллингем пенальтини ўзи тепмоқчимиди? Йўқ, Жуд зарба бермоқчи эмасди. У менга: Бор ва хет-тригингни расмийлаштир, деди. Рақиблар чалғитмаслиги учун у шунчаки тўпни мен учун ушлаб турган эди», — деди Сака финал ҳуштагидан кейин.
Учрашув инглизларнинг 6:4 ҳисобидаги ғалабаси билан якунланди. Қайд этиш лозимки, биринчи бўлимдан сўнг Томас Тухель шогирдлари 4:0 ҳисобида олдинда боришаётган эди.
