«Liverpul» «Pari Sen-Jermen» vingeri Bredli Barkolani o‘z safiga qo‘shib olishni jiddiy maqsad qilgan.
«Qizillar» fransiyalik futbolchining transferi ustida qattiq ish boshlab yubordi. Jurnalist Sebastyen Vidal xabarlariga ko‘ra, mersisaydliklar 23 yoshli futbolchi uchun taxminan 85 million funt sterlingdan (100 million yevro) ziyod mablag‘ taklif qilishni rejalashtirmoqda.
Ta’kidlanishicha, ingliz grandi Barkolani ustuvor transfer maqsadi sifatida belgilagan. Transfermarkt portali ekspertlari futbolchining narxini 70 million yevroga baholamoqda, uning "PSJ" bilan amaldagi mehnat shartnomasi 2028 yilgacha mo‘ljallangan.
