«Ливерпуль» «Пари Сен-Жермен» вингери Брэдли Барколани ўз сафига қўшиб олишни жиддий мақсад қилган.
«Қизиллар» франциялик футболчининг трансфери устида қаттиқ иш бошлаб юборди. Журналист Себастьен Видаль хабарларига кўра, мерсисайдликлар 23 ёшли футболчи учун тахминан 85 миллион фунт стерлингдан (100 миллион евро) зиёд маблағ таклиф қилишни режалаштирмоқда.
Таъкидланишича, инглиз гранди Барколани устувор трансфер мақсади сифатида белгилаган. Transfermarkt портали экспертлари футболчининг нархини 70 миллион еврога баҳоламоқда, унинг "ПСЖ" билан амалдаги меҳнат шартномаси 2028 йилгача мўлжалланган.
